Wedi ei adeiladu yn 1800au mae Plas Hafod wedi cael ei adnewyddu yn ofalus a meddylgar, mae wedi cael ei addasu a’i ddodrefnu i safon uchel iawn. Mae’r bwthyn wedi ei leoli mewn safle arbennig allan yn y wlad a mae’n llawn cymeriad. Mae’n leoliad gwych a rhamantus i gwpl sydd yn chwilio am rhywle tawel i fynd ar wyliau tra ar yr un pryd yn leoliad delfrydol i rhywun sydd eisiau mynd i gerdded/dringo neu feicio yn ardal Eryri a thu hwnt. Mae hefyd yn leoliad arbennig i deulu neu ffrindiau sydd eisiau mwynhau bod allan yn y wlad yn gwylio a gwerthfawrogi bywyd gwyllt a natur ar ei orau.

Mae’r Bwthyn bach yn ardal Nebo, sef pentref bach tawel yn Nyffryn Nantlle sydd wedi ei leoli ar ffiniau y Parc Cenedlaethol. I gerddwyr/dringwyr mae’n leoliad arbennig o hwylus gan fod bosib cychwyn eich taith gerdded i fyny Crib Nantlle yn syth o giât y Bwthyn bron.

Mae golygfeydd godidog a bythgofiadwy i’w gweld o Plas Hafod. Yn amrywio o fryniau a mynyddoedd arbennig Gogledd Cymru, tirwedd cefn gwlad, traethau euraidd Ynys Mon ac yn wir ar ddyddiau clir gellir gweld mynyddoedd gwych Wicklow yn yr Iwerddon yn y pellter.

Mae Plas Hafod yn cynnig lleoliad arbennig mewn safle tu hwnt o gyfleus i rhywun sydd eisiau darganfod beth sydd gennym o drysorau yng Ngogledd Cymru. Ystyr yr enw Plas Hafod yn Saesneg, ydi “Summer Place”, golyga hyn le lle mae defaid yn byw yn yr haf. Mae Plas Hafod wedi ei leoli ar dyddyn Bryn Bugeiliaid, lle gwelwch ddefaid a gwartheg Cymreig yn pori o gwmpas y tyddyn mor naturiol.

Mae Plas Hafod yn cysgu 4 person, a mae’n cynnwys y canlynol:-

Stafell fyw, gyda llosgwr coed cauedig – bydd llond basged o goed wedi eu gadael i westeion.